Sérstök lagavalnefnd skipuð fulltrúum frá FTT, FÍH og Ríkisútvarpinu hefur farið yfir öll innsend lög vegna forkeppni Söngvakeppninnar 2015 og skilað af sér áliti. Alls bárust 258 lög í keppnina og voru tólf valin til þátttöku. Höfundar og flytjendur verða hins vegar tilkynntir síðar.
Söngvakeppnin 2015 verður í beinni útsendingu frá Háskólabíói þrjú laugardagskvöld í röð og skiptist í tvær forkeppnir og úrslit.
Forkeppnirnar fara fram 31. janúar og 7. febrúar 2015 þar sem 6 lög keppa hvert kvöld. Úrslit fara svo fram laugardag 14. febrúar 2015.