Bruce í stað Bono

Bandaríski rokkarinn Bruce Springsteen og söngvari Coldplay, Chris Martin, komu gestum á tónleikum U2 í New York í gærkvöldi á óvart með því að hlaupa í skarðið fyrir Bono sem slasaðist nýverið á reiðhjóli.

Tónleikarnir voru til stuðnings baráttunni við alnæmi og HIV-smitaða.

U2 tilkynnti tónleikana með aðeins nokkurra klukkustunda fyrirvara en þeir voru haldnir á Times Square og var aðgangur ókeypis. 

Bono slasaðist á reiðhjóli í síðasta mánuði og buðu liðsmenn írsku sveitarinnar tveimur þekktum söngvurum að taka við hljóðnemanum í stað Bonos. 

Chris Martin sagði að nú hefði draumur orðið að veruleika en hann hefur ítrekað vísað í U2 þegar hann er spurður út í áhrifavaldana í tónlistinni. Hann söng lögin With or Without You og Beautiful Day með U2 á sviðinu á Times-torgi í gærkvöldi. 

Það var síðan Springsteen sjálfur sem lokaði tónleikunum með því að syngja lögin Where the Streets Have No Name og I Still Haven't Found What I'm Looking For. Þótti Springsteen minna mjög á Bono á sviðinu en aldrei þessu vant var gítarinn fjarri góðu gamni hjá honum.

Auk þeirra komu Carrie Underwood og Kanye West fram á tónleikunum sem stóðu yfir í rúma klukkustund.

Bruce Spingsteen hefur áður tekið I Still Haven't Found What I'm Looking For með U2.

Bruce Springsteen ásamt U2
Bruce Springsteen ásamt U2 AFP
Kanye West
Kanye West AFP
Carrie Underwood
Carrie Underwood AFP
AFP
AFP
Kanye West
Kanye West AFP
Carrie Underwood
Carrie Underwood AFP
Chris Martin
Chris Martin AFP
Chris Martin
Chris Martin AFP
AFP
The Edge faðmar hér fyrrverandi forseta Bandaríkjanna, Bill Clinton á ...
The Edge faðmar hér fyrrverandi forseta Bandaríkjanna, Bill Clinton á tónleikunum AFP
Bruce Springsteen
Bruce Springsteen AFP
Bruce Springsteen
Bruce Springsteen AFP
Bill Clinton
Bill Clinton AFP
mbl.is

Bloggað um fréttina