Leikarinn Stephen Collins viðurkennir að hafa beitt þrjár ungar stúlkur kynferðislegu ofbeldi fyrir um fjórum áratugum. Játning hans náðist nýverið á upptöku þegar hann og eiginkona hans leituðu til ráðgjafa eftir að upp komst um ofbeldið. Fréttastofa TMZ komst svo yfir upptökuna og birti hana á heimasíðu sinni.
„Ég er mannlegur og hef galla,“ sagði Collins í fyrsta sjónvarpsviðtalinu sem hann fór í eftir að málið var opinberað í fjölmiðlum. Hann úrskýrði fyrir spyrlinum Katie Couric að hann hefði þó ekki viljað höndla málið opinberlega. „Þetta kom upp á yfirborðið, ég vildi ekki að þetta kæmi upp á yfirborðið,“ segir Collins í sýnishorni úr viðtalinu. Viðtalið verður þá sýnt í fullri lengd á ABC sjónvarpsstöðinni í þættinum 20/20 á morgun, föstudag.
Collins er einna þekktastur fyrir hlutverk sitt í þáttunum 7th Heaven.
Játningu Collins má hlusta í YouTube myndbandinu sem TMZ birti: