„Áhorfendur fögnuðu vel þegar Siggi skilaði kjötfatinu,“ segir á facebooksíðu Grillsins á Hótel Sögu og er þar kannski gert lítið úr íslensku áhorfendunum á Bocuse d'Or heimsmeistarakeppni matreiðslumanna sem fer fram í Lyon í Frakklandi. Íslendingarnir hvöttu nefnilega sinn mann áfram þannig að eftir var tekið í höllinni.
Sigurður er yfirmatreiðslumeistari Grillsins og hefur æft sex daga vikunnar ásamt hjálparkokkum sínum, Rúnari Pierre Heriveaux, Hinriki Erni Lárussyni og Karli Óskari Smárasyni, síðan um miðjan september.
Eins og sjá má á meðfylgjandi myndböndum er engu líkara en að stuðningslið Sigurðar hafi einnig æft sig reglulega, og greinilegt að fjör er í Lyon.
Une vidéo publiée par Sirha (@sirha_lyon) le Janv. 27, 2015 at 5:27 PST