Hefur verið edrú í 14 ár

Leikarinn Stephen Moyer, sem þekktastur er fyrir hlutverk sitt í þáttunum True Blood, opnaði sig nýverið á ráðstefnu hjá Clare-meðferðarstofnuninni í Kaliforníu og greindi frá því að hann hefði glímt við áfengisfíkn í áraraðir.

Hinn 45 ára Moyer sagði frá því að hann hefði farið í meðferð við vandamáli sínum fyrir 14 árum og náð að halda sér allsgáðum síðan þá. Þetta er í fyrsta sinn sem hann talar um fíkn sína opinberlega. Moyer viðurkenndi að hafa drukkið mikið á þeim tíma sem hann starfaði í leikhúsi. Hann lýsti því hvernig hann fór í ákveðna vímu þegar hann stóð uppi á sviði og reyndi svo að halda vímunni við með áfengi þegar hann steig af sviðinu.

„Sjálfsfyrirlitning hvetur mann til að drekka og svo þegar maður er orðinn edrú þá fylgir því mikil skömm að þurfa að horfast í augu við gallana sína. Þetta snýst allt um fræðslu og að losna við skömmina,“ sagði Moyer.

• Blogga um frétt