Tónlistarkonan Charmayne Maxwell er látin en fregnir herma að hún hafi slasast á heimili sínu og látist á leiðinni á sjúkrahús. Samkvæmt heimildum TMZ kom eiginmaður Maxwell að henni á föstudaginn þar sem hún lá í blóði sínu. Maxwell hafði skorist illa á hálsi og var meðvitundarlaus.
Maxwell mun hafa verið ein heima ásamt ungum syni sínum þegar hún slasaðist. Þegar eiginmaður hennar kom heim um kvöldið hafði Maxwell misst mikið blóð og var meðvitaundarlaus. Eiginmaður hennar hringdi á sjúkrabíl en tónlistarkonan mun hafa látist áður en hún komst á sjúkrahúsið. Talið er að Maxwell hafi skorið sig á brotnu vínglasi.
Maxwell var meðlimur í hljómsveitinni Brownstone. Þeirra þekktasta lag er If You Love Me. Sveitin var tilnefnd til Grammy-verðlauna fyrir það lag.