Ef þú átt leið í Smithsonian söfnin í Bandaríkjunum skaltu skilja löngustöngina (e. selfiestick) eftir heima.
Í síðasta mánuði var lagt bann við löngustöngum í nokkrum söfnum stofnunarinnar og frá og með deginum í dag eru þær bannaðar í öllum söfnunum. Samkvæmt starfsmönnum safnsins eru stangirnar bannaðar af öryggisástæðum en löngustangir eru yfirleitt notaðar til þess að taka sjálfsmyndir.
Smithsonian söfnin eru ekki þau fyrstu til að banna slíkar stangir því það hafa nokkur önnur söfn í Washington einnig gert sem og stór söfn í Boston, New York og Los Angeles.
Smithsonan vill þó ekki draga úr fjörinu og hvetur gesti til að taka sjálfsmyndir, bara án stanganna.