Chris Brown er orðinn faðir

Tónlistarmaðurinn Chris Brown er sagður vera orðinn faðir. Brown, sem hefur átt í stormasömu sambandi við fyrirsætuna Karrueche Tran á undanförnum árum, er sagður hafa eignast sitt fyrsta barn fyrir um níu mánuðum. Móðir barnsins mun vera hin 31 árs Nia. Nia og Brown hafa aldrei verið par en þau eru sögð ágætir vinir.

Heimildamaður TMZ segir Brown vera „hamingjusaman“ í föðurhlutverkinu sem hann hefur farið leynt með síðan barnið kom í heiminn. Fregnir herma að Brown og Nia hafi ekki gert formlegt samkomulag hvað varðar meðlag og uppeldi barnsins.

Hvorki Brown né talsmaður hans hafa tjáð sig um orðróminn.

• Blogga um frétt