Tveir hárprúðir menn mætast í nýjasta örmyndbandi UN Women sem ætlað er að vekja athygli á herferðinni HeForShe en það eru borgarstjórinn Dagur B. Eggertsson og Hrafnkell Örn Guðjónsson, trommari Agent Fresco.
Myndbandið er hluti af sex örmyndböndum sem gerð voru í tilefni af HeForShe-herferðinni þar sem búið er að para saman ólíka einstaklinga í skemmtilegum aðstæðum. Dagur og Hrafnkell eru báðir hárprúðir menn en eru að öðru leiti heldur ólíkir. Þeir eiga það hinsvegar sameiginlegt, líkt og aðrir þátttakendur herferðarinnar, að styðja jafnrétti kynjanna.
„Markmið herferðarinnar er að hvetja karlmenn sérstaklega til þátttöku í baráttunni fyrir kynjajafnrétti í heiminum. Þrátt fyrir frábæran árangur sem náðst hefur með jafnréttisbaráttunni á síðustu áratugum er enn langt í land,“ segir í fréttatilkynningu frá UN Women. Í fréttatilkynningunni er m.a. bent á að þrátt fyrir að konur inni af hendi 2/3 allrar vonnu í heiminum í dag vinna þær sér aðeins inn 10% tekna og eiga 1% allra eigna. 70% þeirra sem búiavið sárafátækt í heiminum eru konur og konur þéna að jafnaði 24% minna en karlmenn á heimsvísu.
„Samkvæmt rannsókn á vegum UN Women verður jafnrétti náð árið 2095 ef við höldum áfram á sömu braut á sama hraða. Með stráka og karlmenn um borð er talið að jafnrétti muni nást helmingi fyrr,“ segir í tilkynningunni.