Úrslitakeppni Eurovision 2015 fór fram í gærkvöldi og stóðu Svíar uppi sem sigurvegarar. Söngvarinn Måns Zelmerlöw söng sig inn í hjörtu Evrópu með frammistöðu sinni í keppninni en hann flutti lagið „Heroes“. Úrslitin urðu ljós áður en stigagjöfinni lauk og var Zelmerlöw ákaft fagnað. Rússland lenti í öðru sæti og Ítalía í því þriðja.
Það þýðir að Söngvakeppni evrópskra sjónvarpsstöðva mun fara fram í Svíþjóð á næsta ári. Þetta er sjötti sigur Svía í keppninni sem þýðir að þeir eiga nú næstflesta sigra í Eurovision í gegnum tíðina á eftir Írum sem hafa sigrað sjö sinnum.
Sjá má myndir frá úrslitakeppninni í renningnum hér að ofan.