Jay-Z og Beyonce í óvænta heimsókn til Noregs

Stjörnuparið Jay-Z og Beyonce mættu til Oslóar í dag í óvænta heimsókn. Þau vildu ekki gefa upp ástæðu sína fyrir heimsókn sinni við blaðamenn en þau spásseruðu um stræti borgarinnar fyrir allra augum. Heimildarmenn Verdens gang telja þó að Jay-Z sé á leið í heimsókn í fyrirtækið Tidal sem á fyrirtækið Wimp sem Jay-Z hefur keypt hlut í og markaðssett vestanhafs.

Íbúar Oslóar ráku eðlilega upp stór augu þegar þeir sáu hver það voru sem gengu innan um öryggisverði og ljósmyndara. 

Margir reyndu að ná af sér myndum með parinu fyrir utan höfuðstöðvar Tidal í Grefsen-hverfinu í Osló.

Parið er nýkomið úr fríi á Ítalíu og er talið að þau hafi flogið beint þaðan til Noregs á leið sinni aftur heim til Bandaríkjanna. Ekki er vitað hvað þau verða lengi í Noregi.

• Blogga um frétt