Loksins, loksins segja sumir því að nýjasti þáttur Áttunnar er kominn í loftið. Þessi þáttur er stútfullur af nýju efni og koma þeir endurnærðir eftir afmælisþáttinn sem var í síðustu viku. Í þessum þætti fara þeir að sjálfsögðu í keppni eins og alltaf. Keppnin að þessu sinni er ekkert flókin þeir eiga að fara í kringluna og fá fólk til þess að botna texta úr íslenskum dægurlögum. Mjög spennandi keppni hér á ferð og er gaman að sjá hvort fólk kveikir á setningum eins og ,,frelsið er yndislegt!“.
Fyrir þann sem tapar þessari keppni er refsing. Refsingin er vægast sagt svakaleg. Þeir fengu í lið með sér Ara Gunnarsson kraftajötun og hann límir taparann við ljósastaur og rassskellir hann. Þessi refsing er sprenghlægileg.
Frændurnir Nökkvi Fjalar og Ragnar Jónsson hafa prufað ýmislegt sem áhorfendur hafa skorað á þá. Í þetta skipti prufa þeir að sprengja melónu, já þú last rétt, sprengja melónu! Þetta er tilraun hjá þeim og setja þeir teygjur utan um melónu og bíða spenntir eftir því að hún springi. Fyrir adrenalínfíkla og einstaklinga sem hafa gaman að sprengingum mega þeir ekki missa af þessum lið.
Þeir eru mikið í því þessa dagana að fíflast í túristum og kalla þann lið hjá sér túristun. Í þetta skiptið fá þeir Evu Guðmundsdóttur, sem sló eftirminnilega í gegn í óþægilega starfsviðtalinu, til þess að rista túristana aðeins. Hún tekur viðtal við par og reynir svo við karlinn á fullu allt viðtalið. Gífurlega gaman að sjá viðbrögð konunar við þessu öllu saman.
Áttan er þáttur sem þú mátt ekki láta framhjá þér fara ef þú hefur gaman af vitleysu og fíflagangi.
Fylgist þið meira með þeim hér:
www.facebook.com/attanofficial
www.instagram.com/attan_official
Snapchat: ATTAN_OFFICIAL
Watchbox: #attan_offical
<iframe allowfullscreen="" frameborder="0" height="360" src="/mblplayer/i/164512/" style="border: 0;" width="640"></iframe><div id="embedded-remove"> </div>