Kim Kardashian er með sínum 33,8 milljónum fylgjenda 14. vinsælasta manneskjan á Twitter og er hún dugleg við að deila skilaboðum með aðdáendum sínum. 

Í dag skrifaði hún á Twitter-síðu sína um að hún hafi sent forsvarsmönnum vefsíðunnar skilaboð um að það þyrfti að gera breytingar á síðunni þannig að hægt sé að lagfæra stafsetningavillur og aðrar villur í textanum eftir að skilaboðin hafa verið send inn. Nú er það þannig að viðkomandi verður að eyða skilaboðunum og skrifa ný ef hann vill gera breytingar.

Fékk hún þokkalegar undirtektir á Twitter og greinilegt að fleiri en hún glíma við sama vandamál.

Hálftíma síðar fékk hún svar - í gegnum Twitter, frá Jack Dorsy, einum stofnenda Twitter. Hann skrifaði: „Góð hugmynd! Við erum alltaf að leita að nýjum lausnum sem gera Twitter einfaldari hraðari.“

Þá er best að bíða og sjá hvort þessi skilaboð Kardashian verði til þess að síðunni verði breytt. Hún er augljóslega áhrifamikil kona hún Kim. 

Tengdar fréttir

Kardashian

Yfir sig ástfangin á afmælisdaginn

• Hneykslaði brúðkaupsgesti með fatavali sínu
• Hefði farið á megrunarlyf
• Kris Jenner með æxli
• Fagnaði fertugsafmæli sínu með pompi og prakt

» Fleiri tengdar fréttir

• Blogga um frétt