Nú hefur söngvarinn Bobby Brown, faðir Bobbi Kristinu Brown, gefið frá sér yfirlýsingu vegna dauða dóttur sinnar.
„Hún var algjör engill. Ég er algjörlega dofinn. Fjölskyldan verður að finna leið til að lifa með henni og anda hennar í gegnum minninguna. Okkar missir er mikill. Þá þökkum við öllum fyrir bænirnar fyrir henni og fjölskyldunni.“
Bobbi Kristina Brown var 22 ára gömul þegar hún lést í gærdag. Hún hafði verið í dái í hálft ár eftir að hún fannst meðvitundarlaus í baðkari á heimili sínu þann 31. janúar síðastliðinn.
Þá segir heimildarmaður við vefinn People að Brown standi sig vel á þessum erfiðu tímum og að hann átti sig á að Bobbi Kristina sé á betri stað nú en áður. „Hann huggar sig við það að hún er núna hjá móður sinni og mun ekki lengur finna fyrir neinum sársauka.“
Frétt mbl.is - Bobbi Kristina Brown látin