Beyoncé Knowles, maðurinn hennar Jay Z, söngkonan Rihanna og rapparinn Kanye West höfðuðu mál á hendur franska fataframleiðandans ElevenParis fyrir að nota myndir af þeim í leyfisleysi.
Tónlistarmennirnir sem eru allir með sína eigin fatalínu, eða samningsbundin hinum ýmsu tískufyrirtækjum, telja að gjörðir ElevenParis hafi valdið þeim miklu og óbætanlegu fjárhagstjóni. Þau fara því fram á skaðabætur líkt og fram kemur í frétt Contactmusic.
Tískumerkið hefur meðal annars framleitt fatnað og fylgihluti sem skarta ljósmyndum af stjörnunum og selt í verslunum sínum bæði í Bandaríkjunum og Frakklandi.
Kæran var lögð fram þann 6. október og sendi ElevenParis í kjölfarið frá sér fréttatilkynningu þar sem fram kemur að fyrirtækið sé staðráðið í að finna farsæla lausn á deilunni.