Stefán Jakobsson, söngvari Dimmu, stökk út í áhorfendaskarann á tónleikum í Eldborgarsal Hörpunnar í gær á tónleikum sveitarinnar með Sinfóníuhljómsveit Norðurlands. Trúlega er þetta fyrsta sviðsdýfa sem þar er tekin.
Tónleikarnir fóru fram fyrir fullum sal og tóku áhorfendur vel í uppátæki Stefáns. Báru hann frá sviðinu og alla leið aftur að útgangi. Á meðan spilaði hljómsveitin og Sinfónían lagið Þungur kross.