Raunveruleikastjarnan Caitlyn Jenner greindi frá því í nýju viðtali að hún hefði í raun hafið kynleiðréttingarferli sitt á níunda áratugnum, áður en hún kynntist fyrrverandi eiginkonu sinni, Kris Jenner.

Ennfremur greinir hún frá því að hún hafi alltaf ætlað sér að gangast undir kynleiðréttingaraðgerð áður en hún næði fertugu, en hafi ekki fylgt ákvörðuninni eftir fyrr en á síðasta ári.

Þá segist hún hafa gengist undir hormónameðferð á níunda áratugnum, sem varð til þess að henni uxu brjóst. Eftir að hún hóf samband sitt við Jenner lét hún þó fjarlægja þau með skurðaðgerð.

„Ég byrjaði í hormónameðferð. Ég var komin í skálastærð 36B. Ég elskaði þau og hugsaði með mér að þetta væri frábært. Ætlunarverk mitt á þeim tíma var að ganga í gegnum umbreytinguna áður en ég næði 40 ára aldri. En svo gat ég það bara ekki og stuttu seinna hitti ég Kris.“

„Í raun og veru lét ég fjarlægja brjóstin. Ég hef aldrei sagt neinum það fyrr.“

Hún segist alla tíð hafa verið hreinskilin við fyrrverandi eiginkonu sína, sem þó setti henni reglur, líkt og fram kemur í frétt Daily Mail.

„Reglurnar voru þær að ég mátti ekki klæða mig upp, sérstaklega ekki heima við. Ef ég þyrfti nauðsynlega að gera það ætti ég að gera það á ferðalögum.“

Jenner hefur verið dugleg að tjá sig um málefni trans-fólks, en önnur þáttaröð af raunveruleikaþætti hennar I am Cait fer í sýningar síðar á árinu.

Brot úr viðtalinu má sjá hér að neðan.

Tengdar fréttir

Kardashian

Yfir sig ástfangin á afmælisdaginn

• Hneykslaði brúðkaupsgesti með fatavali sínu
• Hefði farið á megrunarlyf
• Kris Jenner með æxli
• Fagnaði fertugsafmæli sínu með pompi og prakt

» Fleiri tengdar fréttir

• Blogga um frétt