Níu ára gamall ástralskur drengur, sem glímir við alvarleg veikindi, upplifði draum sinn í dag þegar hann fékk að breytast í ofurhetju.
Domenic Pace hefur glímt við Cystic fibrosis (slímseigjusjúkdóm sem kemur fram í lungum) alla ævina. Hann hefur lengi verið mikill aðdáandi ofurhetja eins og Iron Man. Í dag rættist draumurinn í Óperuhúsinu í Sydney þegar lögreglan ákvað að láta draum drengins rætast með aðstoð Hollywood stjörnunnar Robert Downey Jr.
Sent a very special boy on a top secret mission today. Go get ‘em, Domenic! #IronBoyAU @MakeAWishAust
— Robert Downey Jr (@RobertDowneyJr) February 11, 2016
Robert Downey Jr, sem fer með hlutverk Iron Man í Marvel myndunum, skrifaði á Twitter í dag að hann hefði sent afar sérstakan dreng í leynilegt verkefni í dag. „Farðu og náðu þeim Domenic! #IronBoyAU @MakeAWishAust," skrifar leikarinn.
Verkefnið hefur verið í undirbúningi lengi og það kom í hlut lögregluforingjans, Andrew Scipione, að sækja Pace þar sem hann var að leika sér í almenningsgarði í Sydney. Drengurinn var sóttur á þyrlu og flogið með hann í höfuðstöðvar lögreglunnar. Þar var hann beðinn um að aðstoða lögregluna við leynilegt verkefni.
Þáttastjórnanda Make-A-Wish, Hope Joy, hafði verið rænt og henni haldið fanginni af fylgismönnum Ultrons á Clark eyju. Sérstakur búningur hafði verið saumaður fyrir Pace og tólf ára gamall bróðir hans lék aðstoðarmann Iron Man.
Fjölmargir fylgdust með þessu ævintýri drengins og í dag er #IronBoyAU vinsælasta myllumerkið á samfélagsmiðlum í Ástralíu.
We didn't think the day could get any better for #IronBoyAU, then he got this message: @MarvelAUNZ @RobertDowneyJrhttps://t.co/B4pndSIeTr
— Make-A-WishAustralia (@MakeAWishAust) February 11, 2016
#ICYMI: Nine-year-old Domenic Pace becomes #IronBoyAU, saves Sydney and steals hearts.https://t.co/HSUyCJq9an pic.twitter.com/B106h1svK8
— ABC Alice Springs (@783Alicesprings) February 11, 2016