Fær 14,4 milljarða vegna kynlífsmyndbands

Dómstóll í Flórída í Bandaríkjunum hefur dæmt slúðurvefsíðuna Gawker til að greiða fyrrum glímukappanum Hulk Hogan 115 milljónir dala í skaðabætur, en vefsíðan birti kynlífsmyndband af Hogan árið 2012. Nemur fjárhæðin um 14,4 milljörðum íslenskra króna.

Lögmenn Hogan sögðu í dómsal að Gawker hafi brotið á friðhelgi einkalífs Hogan og að myndbandið hafi ekki verið fréttaefni. Réttarhöldin hafa fengið mikla umfjöllun, enda tekur hún því hvenær frægt fólk eigi rétt til friðhelgis einkalífs og hvenær rétt sé að fjalla um einkalíf þess. 

Myndbandið var tekið upp árið 2012 án þess að Hogan vissi af því, en þar átti hann í ástarlotum við eiginkonu vinar síns.

Lögmenn Gawker sögðu að jafnvel þótt dómstólnum kynni að finnast gjörðir vefsíðunnar ósmekkleg, þá væru hugmyndir um fjölmiðlafrelsi og tjáningarfrelsi mikilvægari.

• Blogga um frétt