Afhverju vill verslunarráð Rhode Island að ég fari til Íslands?
Að þessu kynnu einhverjir að spyrja sig eftir að hafa horft á fyrstu tíu sekúndurnar af nýjasta kynningarmyndbandi The Rhode Island Commerce Corporation en myndbandið er hluti herferðar sem kostaði 4,5 milljón Bandaríkjadali og er ætlað að kynna ferðamennsku og störf í ríkinu.
Í einu skoti myndbandsins sést maður á hjólabretti renna sér fyrir framan stóra glerbyggingu og á því augnabliki segir kynnir myndbandsins „Ímyndaðu þér stað sem er eins og heimili þitt en er nógu einstakur til að þér leiðist aldrei“.
Eins og fjölmargir netverjar hafa bent á virðist umræddur staður vera tónlistarhúsið Harpa í Reykjavík.
Thanks to sleuthing by @cluxmoore & @gregnemes, seems clear seconds 9-11 of new RI promo vid are from Iceland. pic.twitter.com/jGjnlvunab
— Philip Eil (@phileil) March 29, 2016
Myndskeiðið hefur nú verið fjarlægt af YouTube en það er hluti stærri herferðar sem afhjúpuð var í gær og inniheldur nýtt einkennismerki og ný einkunnarorð ríkisins: „Rhode Island: Svalari & hlýrri.“
Framleiðendur myndbandsins segja öll skot í myndbandinu hafa verið tekin upp í Rhode Island en það verður að viðurkennast að byggingin er ansi kunnugleg.
Help tell Rhode Island's story by sharing our new brand video #weareRI https://t.co/alIIcZ2DIghttps://t.co/qh3YtF0q0s
— Gina Raimondo (@GinaRaimondo) March 29, 2016