Mynd af konu frá Arkansas í Bandaríkjunum sem handtekin var á dögunum hefur farið sem eldur í sinu um netheima og hefur konan fengið nafnbótina „prisonbae“. Þykir hún afar myndarleg og hefur myndin af henni verið nefnd „sætasta fangamyndin“. Ljóst er að hún hefur stolið hjörtum fjölda Twitter-notenda ef marka má tíst undir myllumerkinu #prisonbae.
Sarah Seawright var handtekin eftir að hún mætti ekki fyrir dómara þar sem taka átti fyrir mál gegn henni, en hún var ákærð fyrir hættulegan akstur í desember 2014. Hún hefur nú verið látin laus eftir að hún borgaði sekt.
Það var þó ekki í fyrsta skipti sem Seawright hefur verið handtekin, en árið 2012 var hún handtekin fyrir vopnað rán og hlaut fimm ára skilorðsbundinn dóm í kjölfarið.
Myndin af Seawright er ekki sú fyrsta af fanga sem verður fræg, en Jeremy Meeks varð heimsfrægur á einni nóttu þegar mynd af honum fór sem eldur í sinu um netheima eftir að hann var handtekinn vegna rannsóknar lögreglu á ránum og skotárásum og hlaut síðan dóm fyrir ólöglegt vopnahald.
Say hello to #PrisonBae 😍 https://t.co/qOjnhzorIa pic.twitter.com/w3pFUYkwXB
— New York Daily News (@NYDailyNews) May 27, 2016