Starfsfólk dýraspítala í Englandi varð heldur betur hissa þegar appelsínugulur mávur var fluttur til þeirra á dögunum. Eins og flestir vita eru mávar yfirleitt hvítir og gráir og því hefur málið vakið athygli.

Svo virðist sem fuglinn hafi dottið ofan í stórt box, fullt af tikka masala kjúklingarétti, við það að reyna að næla sér í bita að éta í ruslagámi. Mávinum var bjargað í Suðaustur-Wales og sóttur af sjálfboðaliða á sjúkrahúsinu.

Starfsfólkið notaði uppþvottalög til þess að þrífa fjaðrir fuglsins og náðist liturinn úr. Það sem náðist ekki úr var þó lyktin. „Þetta kom öllum hérna á óvart, enginn hafði séð neitt í líkingu við þetta,“ sagði Lucy Kells, dýrahjúkrunarfræðingur á spítalanum. „Það sem kom okkur þó mest á óvart var lyktin. Það var ótrúlega góð lykt af honum.“

Frétt BBC.

Hann var þveginn með uppþvottalegi. Af Facebook síðu Vale Wildlife hospital

Eins og nýr! Af Facebook-síðu Vale Wildlife hospital

Tengdar fréttir

Krúttleg dýr

Snerti gras í fyrsta skipti

• Kraftaverkamörgæs fannst eftir tvær vikur á sundi
• Eignaðist ofursjaldgæfan hvolp
• Fékk líf vegna litarhafts
• Klifraði inn um glugga á bíl og stal snakkpoka

» Fleiri tengdar fréttir

• Blogga um frétt