Bud Spencer látinn

Ítalski leikarinn og kvikmyndagerðarmaðurinn Bud Spencer, sem er hvað þekktastur fyrir spaghettívestra, er látinn, 86 ára að aldri. Spencer, sem hét raunverulega Carlo Pedersoli, lék í meira en tuttugu kvikmyndum frá sjötta áratuginum fram á þann níunda.

Spencer kom iðulega fram í myndum ásamt félaga sínum Terence Hill, sem hét Mario Girotti í raun. Á meðal mynda hans eru „Double Trouble“, „Go for it“, „Ace High“, „They Call Me Trinity“ og „A Friend is a Treasure“. Saman komu þeir Hill fram í sextán myndum.

Leikarinn var einnig atvinnumaður í sundi. Árið 1950 varð hann fyrsti Ítalinn til að synda hundrað metrana á undir einni mínútu. Hann gaf hins vegar sundferilinn upp á bátinn til að gerast leikari í vestrum og grínmyndum.

• Blogga um frétt