Segir víkingafagnið kjánalæti
Setja bókamerki
Sænski fjölmiðlamaðurinn og rithöfundurinn Filip Hammar vandar hinu fræga klappfagni Íslendinga ekki kveðjurnar á Twitter í kvöld. „Ég hata eldfjallið [fagnið] og þá sem gera fótbolta að einhverjum helvítis viðburði.“
Sænska dagblaðið Expressen ræddi við Hammar um þessi ummæli hans. Hann segist oft kjaftfor á Twitter, en að þetta skipti hann samt máli.
„Fyrir mér er þetta dauðans alvara. Það hljómar kannski eins og ég sé snobbaður en þetta færir fókusinn af fótboltanum. Mér er drullusama um stuðningsmannalög, ég vil bara horfa á góðan fótboltaleik og að liðið mitt vinni,“ segir Hammar.
Hann segist skilja af hverju þetta umrædda víkingafagn hafi orðið svona vinsælt.
„Fólki finnst þetta skemmtilegt og ég skil það. En raunverulegir áhugamenn um fótbolta vita betur en að vera að pæla í svona kjánalátum,“ segir Hammar en bætir svo við í lokin: „En ég vil þó taka fram að þetta hefur verið frábært hjá Íslandi.“
Hatar Vulkanen och folk som gör nåt så allvarligt som fotboll till ett jävla event
— Filip Hammar (@PodFF) July 3, 2016
Ræða um rekstrarleyfi til 16 ára
Hvað verður um plastið?
Telur loftslagsdóm MDE rangan
„Höldum áfram að fylgjast með“
Hörð átök á milli nemenda og táragasi beitt
Mun ekki framselja vald sitt til Felix
Verkefnin snúa að velferð fólksins
Brotum fjölgar og lögregla oftar vopnuð