Vilhjálmur Bretaprins játaði á dögunum að frumburður hans, hinn þriggja ára Georg prins, væri fordekraður.

Vilhjálmur lét orðin falla þegar hann var að spjalla við ungan pilt, sem lék forvitni á að vita hvað litli prinsinn hefði fengið í afmælisgjöf. Myndbandsupptaka náðist af samtalinu, líkt og sjá má í frétt Sky.

„Ég ætla ekki að segja það. Hann fékk allt of margar gjafir, hann er allt of dekraður,“ viðurkenndi Vilhjálmur prins, en bætti þó við í gamansömum tón að sá stutti væri enn ekki farinn að hafa áhuga á bátum. Það má því leiða líkur að því að Georg litli hafi ekki fengið bát í afmælisgjöf.

Frétt mbl.is: Georg Bretaprins fagnar 3 ára afmælinu

Sá stutti fagnaði þriggja ára afmæli sínu á dögunum. AFP

Tengdar fréttir

Kóngafólk í fjölmiðlum

Karl á batavegi og snýr aftur til starfa

• Karl III sagður „mjög veikur“
• Ný stytta afhjúpuð af Elísabetu II. drottningu
• Lúðvík prins fagnar sex árum
• Í fyrstu heimsókn eftir krabbameinsgreiningu Katrínar

» Fleiri tengdar fréttir

• Blogga um frétt