Á dögunum kom lítill api af tegundinni King Colobus í heiminn. Apinn var tekinn með keisaraskurði í Paignton-dýragarðinum í Devon, en heilsu móður hans hafði hrakað verulega.

Þetta var í þriðja skipti á 16 árum sem keisaraskurður er framkvæmdur í dýragarðinum, og í fyrsta skipti sem aðgerðin er gerð á prímata, eins og fram kemur í frétt Mirror.

„Ivy var komin að fæðingu en var hætt að borða og hafði verið aðgerðalaus í tvo daga. Röntgenmynd leiddi í ljós að höfuðið var skorðað og apinn var tilbúinn að koma í heiminn,“ er haft eftir Jo Reynold, dýralækninum sem framkvæmdi keisaraskurðinn.

„Seinna um kvöldið fórum við að hafa áhyggjur heilsu hennar, en hún sýndi engin merki þess að hafa hríðir. Við ákváðum því að framkvæma keisaraskurð til að bjarga lífi hennar og afkvæmisins.“

Aðgerðin heppnaðist vel og braggast báðir aparnir með ágætum. Sá litli heldur þó kyrru fyrir í hitakassa fyrst um sinn.

Það er óneitanlega mikill svipur með Voldemort og apanum litla. Ljósmynd / skjáskot Mirror

Sá stutti braggast með ágætum, og þykir líkjast illmenninu minna með hverjum deginum. Ljósmynd / skjáskot Mirror

Tengdar fréttir

Krúttleg dýr

Snerti gras í fyrsta skipti

• Kraftaverkamörgæs fannst eftir tvær vikur á sundi
• Eignaðist ofursjaldgæfan hvolp
• Fékk líf vegna litarhafts
• Klifraði inn um glugga á bíl og stal snakkpoka

» Fleiri tengdar fréttir

• Blogga um frétt