Veröld/Fólk | mbl | 19.10.2016 | 18:33 | Uppfært 20:36

„Hver ræðst á móður sem missti barn?“

Cathriona White og leikarinn Jim Carrey. Skjáskot af Daily Mail

Móðir fyrrverandi kærustu Jim Carrey sakar leikarann um að vera óheiðarlegan en Carrey segist ekki eiga neina sök á dauða fyrrverandi kærustu sinnar, Cathriona White.

Brigid Sweetman lögsótti Carrey fyrir misgjörðir hans sem að hennar mati urðu þess valdandi að dóttir hennar, White, stytti sér aldur fyrir rúmlega ári síðan.

Sweetman ítrekar einnig ásakanir þess efnis að Carrey hafi smitað White af þremur kynsjúkdómum.

Mark Burton, fyrrverandi eiginmaður Cathriona White, sem varð síðar unnusta Carreys, segir að leikarinn hafi nýtt sér auðævi sín og hversu þekktur hann væri til þess að útvega henni með ólöglegum hætti lyfseðilsskyld lyf. White lést eftir að hafa tekið inn of stóran skammt lyfseðilsskildra lyfja.

Carrey sagði málið „mikla synd“ í yfirlýsingu á sínum tíma. Hann hefur nú lögsótt fjölskyldu fyrrverandi kærustu sinnar.

„Hátterni hans er ógeðslegt og óheiðarlegt. Hver ræðst á móður sem missti barnið sitt? Carrey og lögfræðingar hans eru að reyna að snúa á almenning,“ sagði í yfirlýsingu lögfræðings Sweetman.

Hún heldur því fram að Carrey hafi neitað að opinbera það að hann væri með kynsjúkdóm fyrir þremur árum. Lögfræðingar leikarans hafa áður sagt að ásakanir um kynsjúkdóma og að hann hafi útvegað White lyfin sem bundu enda á líf hennar „algjört kjaftæði.“

„Fyrirgefið mér. Ég var ekki búin til fyrir þennan heim,“ skrifaði White á miða sem fannst á heimili hennar eftir að hún lést.

Frétt mbl.is: Jim Carrey lögsóttur á ný