Enski pönkarinn John Lydon, betur þekktur sem Johnny Rotten úr Sex Pistols, mun opna nýtt pönksafn í Bankastræti. Hann mun einnig lesa upp úr verkum sínum á Airwords, sem er bókmenntadagskrá Iceland Airwaves.
Grímur Atlason, framkvæmdastjóri Airwaves, og Dr. Gunni, sem hefur unnið að uppsetningu Pönksafns Íslands, segja Rotten áhrifamikinn tónlistarmann og frægasta pönkara í heimi í viðtali við Fréttablaðið.
Lydon var mjög umdeildur er hann söng með Sex Pistols um miðjan áttunda áratuginn.