Alison Carey, eldri systir Mariah Carey, hefur biðlað opinberlega til söngkonunnar og boðist til að rétta fram sáttarhönd.
Systurnar lifa ansi ólíku lífi, en Alison hefur lengi átt við fíknivanda að stríða, auk þess sem hún er sögð vera smituð af HIV.
Frétt mbl.is: Auglýsti vændi með texta systur sinnar
Alison reynir nú að ná tali af systur sinni, og segist vilja lappa upp á samband þeirra sem samkvæmt frétt Mirror hefur verið stopult síðastliðin 20 ár.
„Ég hef gert hluti sem er rangt að gera, og hún sömuleiðis. Í gegnum árin hef ég margoft reynt að ná tali af henni, með öllum leiðum sem mér detta í hug, til þess að biðja hana afsökunar og athuga hvort við getum byrjað aftur,“ sagði Allison í viðtali.
„Hvorug okkar mun nokkurn tímann koma til með að eiga aðra systir.“
Frétt mbl.is: Kallar Carey norn