Breski leikarinn Gorden Kaye, sem er þekktastur fyrir að leika franskan eiganda kaffihúss í sjónvarpsþáttunum „Allo Allo!“, er látinn, 75 ára gamall.
Þættirnir hétu í Ríkissjónvarpinu Allt í hers höndum.
Þættirnir voru sýndir á BBC við miklar vinsældir á árunum 1982 til 1992. Kaye fór með hlutverk Rene Artois sem aðstoðaði frönsku andspyrnuhreyfinguna gegn nasistum í síðari heimsstyrjöldinni.
We're sorry to hear of the death of actor Gorden Kaye, known to many viewers as René Artois in sitcom #AlloAllo. https://t.co/wlTPFnehSh pic.twitter.com/SzwXqUI0mU
— BBC (@BBC) January 23, 2017
Vicki Michelle, sem lék hjákonu hans í þáttunum, minntist Kaye á Twitter. Þar skrifaði hún að hann hafi verið afar hæfileikaríkur leikari.