Svíinn Måns Zelmerlöw, sem vann Eurovision-keppnina árið 2015 með laginu Heroes, stígur á svið á úrslitakvöldi Söngvakeppninnar í Laugardagshöll 11. mars.

Þar mun hann flytja að minnsta kosti tvö lög, að því er kom fram í fréttum Rúv.

Hefð er fyrir því að erlendar Eurovision-stjörnur komi fram á úrslitakvöldinu hér á landi en í fyrra kom hingað Loreen, sem er einnig sænsk, og flutti lagið Euphoria.

Þrír viðburðir

Viðburðir Söngvakeppninnar verða þrír:

25. febrúar í Háskólabíói – Fyrri lögin sex í undankeppninni.

4. mars í Háskólabíói – Seinni lögin sex í undankeppninni.

11. mars í Laugardalshöll – Sex lög keppa til úrslita og þar kemur í ljós hvaða lag verður framlag Íslendinga til Eurovision söngvakeppninnar 2017 sem haldin verður í Kiev í Úkraínu í maí á þessu ári. Måns Zelmerlöw syngur á sviðinu í Höllinni.

Miðasala 1. febrúar

Miðasala á Söngvakeppnina 2017 hefst á miðvikudaginn 1. febrúar kl. 12.00 á Tix.is.  Hægt verður að kaupa miða á staka viðburði en einnig verður í boði sérstakur tilboðspakki, Alla leið pakkinn , sem gildir á öll þrjú kvöldin.

Í tilkynningu frá Rúv kemur fram að stórskotalið úr íslensku tónlistarsenunni í bland við spennandi nýstirni muni flytja lögin 12 í ár. Sex lög keppa hvort kvöldið.  Lögin eru þessi:

25. febrúar Háskólabíó:

Lag:   Nótt

Höfundur lags:  Sveinn Rúnar Sigurðsson

Höfundar texta:  Ágúst Ibsen og StopWaitGo

Flytjandi:  Aron Hannes Emilsson

Lag:  Bammbaramm

Höfundur lags:  Hildur Kristín Stefánsdóttir

Höfundur texta:  Hildur Kristín Stefánsdóttir

Flytjandi:  Hildur

Lag:  Mér við hlið

Höfundur lags:  Rúnar Eff

Höfundur texta:  Rúnar Eff

Flytjandi:  Rúnar Eff

Lag:  Heim til þín

Höfundur lags:  Júlí Heiðar Halldórsson

Höfundar texta:  Júlí Heiðar Halldórsson og Guðmundur Snorri Sigurðarson

Flytjendur:  Júlí Heiðar Halldórsson og Þórdís Birna Borgarsdóttir

Lag:  Skuggamynd

Höfundur lags:  Erna Mist Pétursdóttir

Höfundur texta:  Guðbjörg Magnúsdóttir

Flytjandi:  Erna Mist Pétursdóttir

Lag:  Til mín

Höfundur lags:  Hólmfríður Ósk Samúelsdóttir

Höfundur texta:  Hólmfríður Ósk Samúelsdóttir

Flytjendur:  Arnar Jónsson og Rakel Pálsdóttir

4. mars – Háskólabíó

Lag:  Þú hefur dáleitt mig

Höfundar lags:  Þórunn Erna Clausen, Michael James Down og Aron Brink

Höfundar texta:  Þórunn Erna Clausen og William Taylor

Flytjandi:  Aron Brink

Lag:  Hvað með það?

Höfundur lags:  Daði Freyr Pétursson

Höfundur texta:  Daði Freyr Pétursson

Flytjandi:  Daði Freyr Pétursson

Lag:  Ég veit það

Höfundar lags:  Einar Egilsson, Svala Björgvinsdóttir, Lester Mendez og Lily Elise

Höfundur texta:  Stefán Hilmarsson

Flytjandi:  Svala Björgvinsdóttir

Lag:  Þú og ég

Höfundur lags:  Mark Brink

Höfundur texta:  Mark Brink

Flytjendur:  Páll Rósinkranz og Kristina Bærendsen

Lag:  Ástfangin

Höfundur lags:  Linda Hartmanns

Höfundur texta:  Linda Hartmanns og Erla Bolladóttir

Flytjandi:  Linda Hartmanns

Lag:  Treystu á mig

Höfundur lags:  Iðunn Ásgeirsdóttir

Höfundur texta:  Ragnheiður Bjarnadóttir

Flytjandi:  Sólveig Ásgeirsdóttir

Hægt er að hlusta á öll lögin, bæði á íslensku og ensku á Rúv.  Tónlistin er einnig fáanleg á Spotify, i-tunes, Deezer og Tidal.

Tengdar fréttir

Eurovision

Ísland tekur þátt í Eurovision 2025

• Söngvakeppnin haldin í Basel
• Segir Ísland líklegt til að vinna Eurovision 2025
• Loreen segir ekkert til í sögusögnum
• Kostnaðurinn 175 milljónir

» Fleiri tengdar fréttir

• Blogga um frétt