Raunveruleikastjarnan Kim Kardashian er nýkomin heim úr fríi, en hún og fjölskyldan skelltu sér til Costa Rica á dögunum eins og lesa má í frétt Daily Mail.

Stjarnan lét gott tækifæri sér að sjálfsögðu ekki úr greipum renna og stillti sér upp í litlum fossi. Aðstoðarkona hennar stóð svo á hliðarlínunni, með myndavélina á lofti, í von um að ná afbragðsljósmynd af stjörnunni.

Eitthvað virðist vatnið hafa verið kaldara en Kardashian gerði ráð fyrir, því hún saup hveljur þar sem hún stillti sér upp undir bununni.

Kardashian er hægt og rólega að taka upp fyrri hætti, en hún hafði látið lítið fyrir sér fara síðan hún var rænd á síðasta ári.

Aðstoðarkona Kardashian beið á kantinum með handklæði. Skjáskot / Daily Mail

Aðstoðarkonan var að sjálfsögðu vopnuð myndavél, enda ber raunveruleikastjörnum að skrásetja atvik sem þessi. Skjáskot / Daily Mail

Tengdar fréttir

Kardashian

Yfir sig ástfangin á afmælisdaginn

• Hneykslaði brúðkaupsgesti með fatavali sínu
• Hefði farið á megrunarlyf
• Kris Jenner með æxli
• Fagnaði fertugsafmæli sínu með pompi og prakt

» Fleiri tengdar fréttir

• Blogga um frétt