Logi Long Sveinsson er á leið með stuttmynd í undanúrslit á Amandus-kvikmyndahátíðina í Noregi. Logi flutti fyrir einungis tveimur árum til Noregs þá 16 ára gamall.
Amandus-kvikmyndahátíðin er sú stærsta sinnar tegundar á Norðurlöndunum en hún leggur áherslu á kvikmyndagerð ungs fólks. Logi gerði myndina sem er í undanúrslitum með tveimur vinum sínum úr Elvebakken-menntaskólanum þeim Úlfi Kjalari Eyjólfssyni og Sunny Sharma. Skólinn er þekktur fyrir að vera með skapandi nemendur en meðal nemenda í skólanum eru leikarar úr SKAM-þáttaröðunum.
Logi, Úlfur og Sunny hafa fengið gott áhorf á stuttmyndir sínar og myndirnar þar af leiðandi notið töluverðra vinsælda.