Ryan Gosling hefur loksins útskýrt af hverju hann hafi ekki geta hætt að flissa á Óskarsverðlaunahátíðinni þegar í ljóst kom að La la Land, þar sem hann fer með annað aðalhlutverkið, hafi ekki verið valin besta mynd ársins.
BBC greindi frá því að Gosling var kominn upp á svið með öðrum aðstandendum myndarinnar þegar misskilningurinn kom í ljós. Gosling segist hafa séð skelfingarsvip á gestum hátíðarinnar og starfsfólk á hlaupum, svo hann hafi óttast að eitthvað mjög alvarlegt hafi komið fyrir. Þegar loksins var tilkynnt að Moonlight hafi farið með sigur af hólmi hafi honum verið svo létt að hann hafi ekki geta haldið hlátrinum niðri.
„Í sannleika sagt fannst mér frábært að Moonlight hafi unnið. Þetta er byltingarkennd mynd, gerð fyrir milljón dollara (110 milljónir króna) og er ótrúlegt afrek. Ég samgleðst þeim innilega fyrir viðurkenninguna,“ segir Gosling.