Georg verður hringaberi
Setja bókamerki
Systkinin Georg prins og Karlotta prinsessa munu gegna mikilvægu hlutverki í brúðkaupi Pippu Middleton og unnusta hennar, James Matthews, 20. maí. Georg verður hringaberi og Karlotta brúðarmær.
Pippa er systir Katrínar hertogaynju sem er gift Vilhjálmi prinsi.
Karlotta verður nýorðin tveggja ára gömul en hún mun ganga inn kirkjugólfið með Middleton í St. Marks-kirkjunni í Englefield.
Georg verður fjögurra ára gamall í júlí en hann hefur giftingarhringana í sinni vörslu áður en þeir verða settir upp.
„Pippa Middleton og James Matthews tilkynna með ánægju að brúðkaupið þeirra fer fram í St. Marks-kirkjunni í Englefield að morgni 20. maí,“ sagði talsmaður Kensington-hallar.
„Aðeins fjölskylda og nánustu vinir verða viðstaddir athöfnina, þar á meðal Katrín hertogaynja og Vilhjálmur prins og Harry prins. Georg verður hringaberi og Karlotta brúðarmær,“ sagði talsmaðurinn ennfremur.
Yfirlýsingin bendir til þess að Katrín verði ekki brúðarmær. Pippa Middleton var brúðarmær í brúðkaupi Vilhjálms og Katrínar fyrir sex árum. Þar vakti hún mikla athygli í hvítum hjól og fyrir líflega framkomu.
Brúðkaupsveislan fer fram á heimili foreldra Middleton.
/frimg/1/29/32/1293273.jpg)
Ekki af baki dottinn og ætlar að opna B5 aftur
Frambjóðendur skila inn listum í Hörpu
Gígbarmurinn hækkað frá því í gær
Nemendur í HÍ reistu tjaldbúðir án leyfis
Bergnuminn í Hvalfirði
Skaut sex sinnum að feðginum á aðfangadagskvöld