Samdi lag um lim Trumps

Lagahöfundurinn og söngvarinn Randy Newman, sem samdi og söng meðal annars Toy Story lagið You've Got a Friend in Me, hefur samið nýtt meistaraverk, og nú um kynfæri Donald Trumps Bandaríkjaforseta.

Ný plata Newman kemur út 4. ágúst og mun hún meðal annars innihalda lag um Vladimir Pútín Rússlandsforseta.

Hinsvegar komst lagið um Trump ekki inn á plötu hans. „Textinn var of dónalegur,“ sagði Newman í viðtali við Vulture. „Og ég vildi ekki kynda undir umræðuna um hversu leiðinleg við erum öll við forsetann. Svo ég sleppti því að setja það á plötuna," bætti hann við.  

Það stoppaði samt ekki Newman frá því að þylja textann upp fyrir tímaritið sem hljóðar svona „Typpið mitt er stærra en þitt. Ég er ekki að gorta það er satt. Typpið mitt er stærra en þitt. Ég get sannað það. Þarna er hann! Þarna er typpið mitt. Er það ekki falleg sjón? Hlauptu til næsta kaupstaðar, bæjarfélags, borgar. Segðu fólki hvað þú sást hér í kvöld.“

Viðlagið, bætti hann við, hljómar svona „þvílíkt typpi, dum dum dum, þvílíkt typpi.“

• Blogga um frétt