Katrín hertogaynja og Vilhjálmur Bretaprins eru í opinberri heimsókn í Þýskalandi ásamt börnum sínum. Þeim var boðið í boð í Berlín með leikurunum Sam Riley og Tom Wlaschiha en hertogahjónin eru miklir aðdáendur Game of Thrones-þáttanna sem sá síðarnefndi leikur í.
Samkvæmt Hello sagði Wlaschiha að Katrín og Vilhjálmur hefðu reynt að fá hann til þess að segja sér hvað myndi gerast næst í þáttunum. Leikarinn varð þó ekki við ósk þeirra en játaði að það hefði komið honum á óvart að hjónin hefðu tíma til þess að horfa á alla þættina þar sem þáttaröðin hefur verið lengi í gangi.