Leikarinn James Cromwell var handtekinn í sædýragarðinum SeaWorld í San Diego þegar dýraverndunarsamtökin PETA stóðu þar fyrir mótmælum vegna meðferðar á hvölum.
Cromwell, sem hefur meðal annars verið tilnefndur til Óskarsverðlaunanna fyrir hlutverk í Babe, var handtekinn ásamt öðrum mótmælendum og færður í varðhald eftir að þeir trufluðu hvalasýningu.
Klæddur í bol sem á stóð „SeaWorld Sucks“ sagði leikarinn áhorfendum frá sögu sædýragarðsins þar sem ótímabærum dauða hvala og þjáningunni sem dýrin hafa liðið í garðinum var lýst.