Veigar Margeirsson tónskáld samdi tónverk fyrir nýjustu kvikmynd Steven Spielberg, Ready Player One.
Sýnishorn af kvikmyndinni var frumsýnt á Comic Con í Bandaríkjunum seinustu helgi og er fyrsta eina og hálfa mínútan eftir Veigar og teymið frá fyrirtækinu hans, Pitch Hammer Music.
Veigar hefur í tæpa tvo áratugi unnið við að semja tónlist fyrir kvikmyndastiklur. Fyrirtæki hans sérhæfir sig í þessu og meðal nýlegra verkefna má nefna Captain America: Civil War, Zoolander 2, The Imitation Game, Mad Max:Fury Road, Deadpool og nú Ready Player One sem Steven Spielberg leikstýrir.
Eiginkona Veigars og meðeigandi fyrirtækisins, Sirrý Jónasdóttir, greindi frá samstarfinu á Facebook á sunnudag og sagði mikla leynd hafa hvílt yfir verkefninu lengi.
Hér má sjá sýnishorn af kvikmyndinni með lagi Veigars.