Þjóðverjinn Benjamin David var orðinn þreyttur á því að taka strætó eða hjóla í vinnuna á hverjum degi svo hann ákvað að byrja synda til vinnu í staðinn. En David sem vinnur í bjórgarði í Munich þarf að synda yfir ánna Isar til þess að komast í vinnu samkvæmt Huffington Post.
Að sögn Davids er þetta ekki aðeins falleg og endurnærandi sundferð heldur er þetta einnig fljótlegasta leiðin í vinnuna. Þegar viðtalið var tekið var mikill straumur í ánni og tók ferðin um 12 mínútur.
David syndir í blautbúningi en hefur föt til skiptanna auk tölvu meðferðis í vatnsheldum bakpoka. Ef hann syndir á veturna þá fer hann bara í stærri blautbúning. En hann syndir þó mest á sumrin þar sem áin getur verið ansi köld á veturna.