Dóri DNA hefur náð frábærum árangri

Grín­ist­inn og rit­höf­und­ur­inn Hall­dór Hall­dórs­son eða Dóri DNA eins og marg­ir þekkja hann er í miklu betra formi en hann var fyrir tveimur árum.

Í morgun birti Halldór tvær myndir af sér á twittersíðu sinni teknar með tveggja ára millibili þar sem mikill munur er á vaxtarlagi hans á milli mynda.

Halldór stundar hnefaleika af kappi og hleypur mikið en um helgina hljóp hann tíu kílómetra í Reykjavíkurmaraþoninu til styrktar Reykjadal, en það var í fyrsta skiptið sem hann hljóp í almenningshlaupi. Halldór var líka andlit Reykjarvíkurmaraþonsins og lék í öllum auglýsingum fyrir hlaupið. 

Undir myndina skrifar Halldór að hann hafi upplifað sig „mjög cool“ á báðum ljósmyndunum.

• Blogga um frétt