Paul Burrell, bryti Díönu prinssessu, var afar nákominn prinsessunni og hjálpaði henni meðal annars þegar hún fékk átköst. Þetta kemur fram í heimildarmyndinni In Therapy: Paul Burrell þar sem Burrell segir frá samskiptum sínum og prinsessunnar. En Vilhjálmur og Harry hafa áður gagnrýnt bók sem hann gaf út um konungsfjölskylduna. 

Burrell segist hafa gefið Díönu marga lítra af eggjabúðingi þó svo að hann hafi vel vitað að hún glímdi við lotugræðgi. „Ég hjálpaði henni með það. Ég lét kokkinn útbúa fjóra og hálfan lítra af eggjabúðingi og ég keypti jógúrt og mikið af bönunum. Ég undirbjó herbergið til þess að vera viss um að henni liði vel,“ segir Burrell í myndinni samkvæmt Daily Mail. 

Burrell segist hafa gert hvað sem var fyrir prinsessuna auk þess sem hann gat lítið gert í því sem var að gerast. „Ég gat ekki sagt henni hvað hún ætti að gera. Ég gat verið til staðar, ég gat haldið utan um hana," segir Burrell. 

Það er greinilegt að Burrell þótti mjög vænt um prinsessuna og segist hann hafa sofið inni í fataskápnum hennar eftir að hún dó. 

Díana prinsessa. Skjáskot/Daily Mail

Tengdar fréttir

Kóngafólk í fjölmiðlum

Ný stytta afhjúpuð af Elísabetu II. drottningu

• Lúðvík prins fagnar sex árum
• Í fyrstu heimsókn eftir krabbameinsgreiningu Katrínar
• Þráir að hitta barnabörnin sín
• Nýgift og eiga von á barni

» Fleiri tengdar fréttir

• Blogga um frétt