Robin Thicke á von á barni

Söngvarinn Robin Thicke á von á barni með kærustu sinni, fyrirsætunni April Love Geary. CNN greinir frá þessu.

Geary birti sónarmynd á instagramsíðu sinni um helgina þar sem hún tilkynnti að þau ættu von á barni 1. mars. 

Thick á sjö ára son úr fyrra hjónabandi með leikkonunni Paulu Patton en hún fékk nálgunarbann á söngvarann eftir skilnað þeirra. Forræðisdeilur yfir syni þeirra kláruðust á föstudaginn.

Söngvarinn og kærasta hans eru nú stödd á Havaí ásamt syni hans þar sem þau njóta lífsins en þau hafa verið í sambandi síðan 2014, þegar hann var enn giftur fyrrverandi konu sinni.

• Blogga um frétt