Chelsea Clinton kemur Trump til varnar

Fyrrverandi forsetadóttirin Chelsea Clinton á auðvelt með að setja sig í spor hins 11 ára gamla Barrons Trumps. En Barron, sem er sonur Donalds og Melaniu Trump, var gagnrýndur í dagblaðinu Daily Celler fyrir að vera í venjulegum stuttermabol og stuttbuxum. 

Barron var að fara um borð í einkaflugvél forsetans þegar myndin af honum var tekin. Fréttin um klæðaburð Barrons hefur ekki farið vel í fólk enda finnst flestum að börn eigi að fá að vera í friði, meira að segja þó að umrætt barn sé barn valdamesta stjórnmálamanns í heimi. 

Hvíta húsið gaf út yfirlýsingu og bað fjölmiðla að láta Barron í friði. Chelsea Clinton, dóttir Bills og Hillary Clinton, bað einnig fjölmiðla að láta Barron í friði en í tísti sínu bað hún líka fólk að leyfa honum að eiga barnæsku sína í friði. 

Melania Trump þakkaði síðan Chelsea fyrir stuðninginn á Twitter. „Svo mikilvægt að styðja öll börn til að vera þau sjálf,“ stóð í tístinu. 

Chelsea Clinton þekkir það að vera barnd forseta Bandaríkjanna. mbl.is/AFP

• Blogga um frétt