St. Bernharðs-hundurinn Mochi frá Suður-Dakóta í Bandaríkjunum komst nýlega í Heimsmetabók Guinnes fyrir að vera sá hundur sem er með lengstu tunguna.
Hinn átta ára gamli Mochi er með rúmlega 18 sentímetra langa tungu og eru eigendur hans mjög stoltir yfir því að hann hafi komist í heimsmetabókina. „Það gerir allt slefið sem við höfum þrifið síðustu sex og hálft ár þess virði,“ sagði Carla Rickert eigandi Mochi.
Slefið er ekkert grín hjá Rickert enda gerir langa tungan það að verkum að Mochi á erfitt með andardrátt auk þess sem hún slefar ennþá meira þegar hún er stressuð. Ryk og laufblöð festast líka á tungunni hennar.
Rickert og eiginmaður hennar tóku Mochi að sér þegar hún var orðin tveggja ára en þau vonast til þess að heimsmetabókaheiðurinn muni hvetja annað fólk til þess að taka að sér dýr í vanda.