Ari flutti framlag Íslands með glæsibrag
Flutningur Ara Ólafssonar á framlagi Íslands í Eurovision í ár, „Our choice“ eftir Þórunni Ernu Clausen, var óaðfinnanlegur á stóra sviðinu í Lissabon í kvöld.
Ljósmynd/Andres Putting
Setja bókamerki
Ari Ólafsson flutti framlag Íslands, „Our Choice“, af miklu öryggi eins og við mátti búast á fyrra undanúrslitakvöldi Eurovision sem fram fer í Lissabon í kvöld. Flutningnum lauk rétt í þessu og nú er komið að Evrópu að ákveða örlög Ara og íslenska hópsins.
Sviðsframkoma íslenska hópsins var til fyrirmyndar og þau tóku sig vel út í klæðnaði eftir fatahönnuðinn Ýr Þrastardóttur. Ari klæddist hvítu jakkafötunum líkt og hann hefur gert hingað til, en fötin vísa í eldgos og ástríðueld.
Ari var annar á svið svo það er nóg fram undan áður en kemur í ljós hvaða 10 af 19 lögunum sem keppa í kvöld komast áfram í úrslitakeppnina sem fer fram á laugardag.
Hér er hægt að fylgjast með beinni lýsingu á mbl.is á fyrri undankeppninni.
Vendingar vestanhafs geti haft áhrif hér heima
Grænlendingar vildu ekki fá björninn til baka
Davíð Viðarsson var skyndihugdetta
Eðlileg viðbrögð að fella tár
Eina leiðin var að fella björninn