McCartney beint í efsta sætið

Sir Paul McCartney fór beint í efsta sæti bandaríska Billboard 200-listans með sína nýjustu plötu Egypt Station. Þetta er í fyrsta sinn í 36 ár sem honum tekst það og í fyrsta sinn á ferlinum sem hann kemur sólóplötu beint á topp listans.

Síðasta plata hans sem komst á topp Billboard-listans var sjöunda sólóplatan hans Tug of War sem dvaldi þar í þrjár vikur árið 1982.

Egypt Station, sem kom út 7. september, seldist í 153 þúsund eintökum fyrstu viku á lista.

Þetta 36 ára hlé McCartney er það næstlengsta í sögu Billboard-listans. Sveitasöngvarinn sálugi Johnny Cash á lengsta metið en 36 ár, tíu mánuðir og níu dagar liðu á milli American V: A Hundred Highways og plötunnar sem kom þar á undan.

• 1 blogg um fréttina

Bloggað um fréttina

• Richard Þorlákur Úlfarsson: Paul stelur frá Megasi