Spjallþáttur breska sprelligosans James Corden, The Late Late Show, lauk nýverið göngu sinni eftir átta ár á bandarísku sjónvarpsstöðinni CBS. Samkvæmt innanbúðarmönnum á þátturinn að hafa tapað miklum peningum á hverju ári yfir göngu sína og valdið erfiðleikum fyrir CBS. 

„The Late Late Show var löngu orðinn óarðbær og það vel áður en lokaserían fór í loftið,“ skrifaði Brian Stelter, fyrrum fréttastjóri CNN í grein fyrir Los Angeles Magazine. Framleiðslukostnaðurinn var kominn vel yfir níu milljarða íslenskra króna en tekjurnar voru vel undir sex milljörðum íslenskra króna.

Frétt af mbl.is

Segir skilið við einn vinsælasta spjallþátt í heimi

Vildi flytja heim

Spjallþáttastjórnandinn greindi frá því í apríl 2022 að hann ætlaði að hætta sem stjórnandi The Late Late Show þar sem hann vildi flytja heim til Englands ásamt konu sinni og þremur börnum.

Nú virðist sem peningamál gætu hafa spilað stórt hlutverk í brotthvarfi Corden. „CBS hafði ekki efni á að halda honum lengur,“ sagði einn ónefndur stjórnandi við Stelter. Heimildarmaðurinn bætti einnig við að Corden „hefði staðið frammi fyrir margra milljóna dala launaskerðingu eða uppsögnum á starfsfólki.“

Corden stýrði stjörnum prýddum lokaþætti sínum hinn 27. apríl síðastliðinn en gestir hans voru meðal annars Will Ferrell og Harry Styles. Söngkonan Adele tók síðustu bílferðina um Los Angeles með Corden í einum vinsælasta þáttalið hans, Carpool Karaoke.

Tengdar fréttir

Spjallþættir

John Oliver tjáði sig um „KateGate“

• Baldwin segir þetta stórlega ýkta lygasögu
• Laufey ræddi við einn þekktasta blaðamann heims
• Tjáði sig um þrálátan orðróm um kynhneigð sína
• Hollywood-leikkona reif upp kynhvöt Andy Cohen

» Fleiri tengdar fréttir

• Blogga um frétt