Andrés prins er sagður hafa tekið þátt í kynsvalli með stúlkum undir lögaldri þegar hann dvaldi á heimili Jeffrey Epsteins. Þetta kemur fram í nýbirt­um dóms­skjöl­um þar sem greint er frá fólki sem tengd­ist kyn­ferðis­brota­mann­in­um og auðjöfr­in­um Jef­frey Ep­stein.

Andrés prins er nefndur 69 sinnum í skjölunum sem telja um 900 blaðsíður.

Í skjölunum kemur fram að kynlífsþræll Epsteins, sem heitir í skjölunum Jane Doe 3, var skipað að hafa kynmök við Andrés prins á meðan á kynsvalli stóð á eyju Epsteins í Karabíska hafinu. Þar voru fjölmargar stúlkur undir lögaldri. Þá var henni einnig gert að stunda kynlíf með honum í Lundúnum og í New York. Henni var sagt að gera allt sem Andrés prins vildi. Nafn Jane Doe 3 birtist ekki í skjölunum en Virginia Giuffre sagðist síðar hafa þurft að sofa hjá prinsinum þrisvar sinnum.

Þá er Andrés prins einnig sagður hafa lagt hönd á brjóst Johonnu Sjoberg þegar hópmynd var tekin af þeim saman með brúðu.

Fleiri eru nefndir í skjölunum eins og til dæmis Bill Clinton sem sagður er „vilja þær ungar“. Þá eru þar einnig nefndir menn á borð við Stephen Hawking sem sagður er hafa tekið þátt í kynsvalli sem og lögfræðingurinn Alan Dershowitz. Dershowitz hefur hins vegar fagnað birtingu skjalanna því þá verði loks ljóst að hann hafi ekkert sér til saka unnið. 

Frétt af mbl.is

Andrés Bretaprins nefndur í Epstein-skjölum

Tengdar fréttir

Jeffrey Epstein

„Þessar upptökur eru til“

• Prinsinn passaði ekki í baðkarið
• Minnst á kynlífsupptökur af Clinton og Andrési
• Bretaprinsinn var „vikum saman“ hjá Epstein
• Andrés Bretaprins nefndur í Epstein-skjölum

» Fleiri tengdar fréttir

• Blogga um frétt