Ekkert til sem heitir samþykki 14 ára
Setja bókamerki
Frönsk leikkona hefur sakað leikstjóra sem er 25 árum eldri en hún um að hafa lokkað hana í samband þegar hún var á táningsaldri.
Judith Godreche, 51 árs, sagði um síðustu helgi á Instagram að leikstjórinn Benoit Jacquot hefði notfært sér hana þegar hún var berskjölduð leikkona undir lögaldri.
Jacquot, 76 ára, svaraði ekki fyrirspurn AFP-fréttastofunnar um viðbrögð við þessu.
„Í heljargreipum“
Godreche segist hafa hitt Jacquot þegar hún var 14 ára og verið „í heljargreipum hans” í sex ár. Hún lék í tveimur kvikmyndum sem hann leikstýrði, Les Mendiants árið 1988 og La Desenchantee árið 1990.
Hún ákvað að tjá sig eftir að hún uppgötvaði að hann hefði stært sig af því í heimildarmynd frá árinu 2011 að samband þeirra hefði verið refsivert og að kvikmyndaheimurinn hefði hylmt yfir.
„Ég kastaði upp,” sagði Godreche við sjónvarpsstöðina TMC er hún sá hann monta sig af því að hafa sloppið við refsingu. „Það er ekkert til sem heitir samþykki þegar þú ert 14 ára,” sagði hún. „Ég var ekki dregin á tálar. Hann stjórnaði mér algjörlega.”
Ásakanir Godreche koma fram á sama tíma og franska kvikmyndasamfélagið hefur verið sakað um að hafa gert lítið til að stemma stigu við kynjamismunun og kynferðismisnotkun í áratugi.
Hæst hafa borið ásakanir í garð frönsku kvikmyndastjörnunnar Gerards Depardieu sem hefur verið ákærður fyrir nauðgun, auk þess að vera sakaður um mörg önnur kynferðisbrot.
Lögregla hafi hvatt til afturköllunar kæru
„Okkur mun ekki bregða“
Halla: Líkti Ólafi Ragnari ekki við Robert Mugabe
Kærir teiknara Vísis til siðanefndar
Þyrla forsetans lenti í „slysi“
Forsetinn og utanríkisráðherrann látnir
Braut gegn konum í Eyjum